නියමිත කාලය ඉක්මවා මෙරට රැඳී සිටින පුද්ගලයින්ගේ දඩය වැඩි කෙරේ

නියමිත වීසා කාලය ඉක්මවා මෙරට රැඳී සිටින විදේශීකයින් සඳහා අයකරන දඩය ඉහළ දමා තිබෙනවා. ඒ, මහජන ආරක්ෂාව පිළිබඳ අමාත්‍යාංශය විසින් ගැසට් නිවේදනයක් නිකුත් කරමින්.

ඒ අනුව කිසියම් විදේශිකයෙකු නියමිත වීසා කාලයට වඩා දින 7 ක් ඉක්මවා ගතවී ඇත්නම් ඔහුට එරෙහිව අමෙරිකානු ඩොලර් 250 ක දඩයක් පනවනු ඇති. අදාළ පුද්ගලයා මෙරට රැඳී සිටි කාලය දින 14 කටත් වඩා වැඩි නම් වීසා බලපත්‍ර ගාස්තුවට අමතරව අමෙරිකානු ඩොලර් 500 ක දඩයක් පැනවීමටයි නියම කර ඇත්තේ.