එක්දින පිල නොවෙනස්වම විස්සයි-20 තරගාවලියටත්

නවසීලන්ත කාන්තා පිලට එරෙහිව ජූලි මස 08 වැනිදා කොළඹ පී. සරා ඔ්වල් ක්‍රීඩාංගණයේදී ආරම්භ වීමට නියමිත තරග 3 කින් සමන්විත විස්සයි-20 තරගාවලිය සඳහා නම් කරන ලද ශ්‍රී ලංකා කාන්තා ක්‍රිකට් කණ්ඩායමට ක්‍රීඩිකාවන් 15 දෙනෙකු ඇතුළත්ව සිටිති.

ජූලි මස 12 වැනිදා දක්වා පැවැත්වෙන මෙම තරග 3 කින් සමන්විත තරගාවලිය සඳහා නම් කරන ලද ශ්‍රී ලංකා කණ්ඩායමට ඉකුත්දා නවසීලන්ත කාන්තා කණ්ඩායමට එරෙහිව පැවැති එක්දින තරගාවලිය සදහා ක්‍රීඩා කරන ලද කණ්ඩායමේ කිසිදු වෙනසක් සිදුකර නොමැත. නවසීලන්තය සඳහා නම් කරන ලද කණ්ඩායමද ඊට පෙර පැවැති බංග්ලාදේශ කාන්තා පිලට එරෙහි තරගාවලියට නම් කරන ලද කණ්ඩායමම වීම කැපී පෙනෙන අතර තරගාවලි 3 ක් සඳහා නම් කරන ලද කණ්ඩායම් 3 ම එකම හෝ වෙනස් කමක් සිදු නොකිරීම කැපී පෙනෙයි.

ශ්‍රී ලංකා කාන්තා කණ්ඩායම බංග්ලාදේශයට එරෙහි එක්දින තරගාවලිය 1-0 ක් ලෙස ජය ගැනීමට අමතරව ඉතිහාසයේ පළමු වතාවට ද්වී පාර්ශ්වික තරගාවලියක් සඳහා මෙරටට පැමිණි නවසීලන්ත පිලට එ‌රෙහි තරගාවලියද 2-1 ක් ලෙස ඓතිහාසික ජයග්‍රහණයක් වාර්තා කළේය. මෙම තරග 3 ම කොළඹ පී, සරා ඔ්වල් ක්‍රීඩාංගණයේදී ජූලි 10 සහ 12 යන දිනවලදීද පැවැත්වේ.

ශ්‍රී ලංකා කාන්තා කණ්ඩායම – චමරි අතපත්තු (නායිකා), හර්ෂිතා සමරවික්‍රම, විශ්මි ගුණරත්න, අනුෂ්කා සංජීවනී, හසිනි පෙරේරා, නිලක්ෂි ද සිල්වා, කවීිෂා දිල්හාරි, ‌ඔෂධී රණසිංහ, සුගන්දිකා කුමාරි, ඉනෝකා රණවීර, උදේශිකා ප්‍රබෝධනී, හංසිමා කරුණාරත්න, ඉනෝෂි ප්‍රනාන්දු, කාව්‍යා කාවින්දි, ඉමේෂා දූලානි.